აშშ: რუსეთი უკრაინის ტერიტორიების სრულ ანექსიას გეგმავს
აშშ-ს დაზვერვის ინფორმაციით, კრემლი ოკუპირებული უკრაინული ტერიტორიების სრული ანექსიის „დეტალურ გეგმებს“ განიხილავს, აცხადებს ჯონ კირბი, თეთრი სახლის პრეს-სპიკერი ეროვნული უსაფრთხოების საკითხებში.
რუსეთი ოთხი უკრაინული რეგიონის - ხერსონის, ზაპორიჟიის, დონეცკის და ლუჰანსკის - მიერთებას გეგმავს, როგორც ეს 2014 წელს ყირიმის შემთხვევაში მოხდა.
„მათი შემდეგი ნაბიჯები ჩვენთვის ცნობილია“, - განაცხადა კირბიმ.
მაღალჩინოსნის განცხადებით, კრემლი ოკუპირებულ ტერიტორიებზე უკანონო რეფერენდუმების ჩატარებას გეგმავს.
„რეფერენდუმები შესაძლოა სექტემბერში, რუსეთის რეგიონულ არჩევნებთან ერთად ჩატარდეს“, - ამბობს კირბი.
