ახალი ამბები

რუსეთის ქალაქ ირკუტსკში ორი პილოტი დაიღუპა, როდესაც Su-30 ჩამოვარდა და სახლს დაეჯახა. ამის შესახებ ინფორმაციას რუსული სააგენტო ТАСС ავრცელებს.

"ირკუტსკში, კერძო სახლზე Su-30-ის დაცემისას ორი პილოტი დაიღუპა, მოსახლეობაში მსხვერპლი არ არის", - წერს სააგენტო რუსეთის საგანგებო სიტუაციების სამინისტროს ინფორმაციაზე დაყრდნობით.

23 ოქტომბერს, ირკუტსკში, Su-30 ორსართულიან საცხოვრებელ სახლს დაეცა, რის შედეგადაც ხანძარი გაჩნდა. რუსეთის ფედერაციის საგანგებო სიტუაციების სამინისტრომ განაცხადა, რომ თვითმფრინავი ირკუტსკში საცდელი ფრენის დროს ჩამოვარდა.