ახალი ამბები

2022 წლის პირველ ნახევარში რუსეთი 419 ათასმა ადამიანმა დატოვა. ამის შესახებ ინფორმაციას РБК ორშაბათს, 5 სექტემბერს, ფედერალური სახელმწიფო სტატისტიკის სამსახურის (როსსტატის) მონაცემებზე დაყრდნობით ავრცელებს. ეს გასული წლის ანალოგიურ პერიოდს ორჯერ აღემატება.

ამასთან, თუ 2021 წლის პირველ ნახევარში რუსეთში მიგრაციული ზრდა დაფიქსირდა, რომელმაც 114.2 ათასი ადამიანი შეადგინა, 2022 წლის პირველ ექვს თვეში მიგრაციული კლება 96.7 ათასი იყო.

კერძოდ, როსსტატის მონაცემებით, რუსეთიდან დსთ-ს ქვეყნებში 368 000 ადამიანი გაემგზავრა, 294 000 კი დაბრუნდა. დსთ-ს არაწევრ ქვეყნებში 50 ათასზე ცოტა მეტი ადამიანი გაემგზავრა, 27 ათასი კი დაბრუნდა.

"რუსეთის ფედერაციიდან გასულთა რიცხვი 216.5 ათასი ადამიანით, 2.1-ჯერ გაიზარდა, როგორც დსთ-ს წევრ ქვეყნებში ემიგრაციის გამო - 189 ათასი ადამიანით, ანუ 2.1-ჯერ, ასევე იმ ქვეყნებში, ვინც დსთ-ს არაწევრ ქვეყნებში გაემგზავრა - 27.6 ათასი ადამიანით, ანუ 2.2-ჯერ", - აღნიშნავს სამსახური.