ახალი ამბები

აშშ-ის ვიცე-პრეზიდენტმა ჯ.დ. ვენსმა 20 თებერვალს განაცხადა, რომ უკრაინა ვერ დაამარცხებს რუსეთს, რადგან მას აქვს დიდი რიცხობრივი უპირატესობა და ევროპული იარაღის მარაგები ამოწურულია.

მან სოციალურ ქსელ X-ზე დაწერა, რომ სამი წლის განმავლობაში მას და პრეზიდენტ დონალდ ტრამპს უკრაინის ომთან დაკავშირებით "ორი მარტივი არგუმენტი" ჰქონდათ.

"პირველი, ომი არ დაიწყებოდა, პრეზიდენტი ტრამპი რომ ყოფილიყო ხელისუფლებაში, მეორეც, არც ევროპას, არც ბაიდენის ადმინისტრაციას და არც უკრაინელებს გამარჯვების გზა არ ჰქონდათ. ეს ასე იყო სამი წლის წინ, ასე იყო ორი წლის წინ, ასე იყო გასულ წელს და ასეა დღესაც," - თქვა ვენსმა.

მისი თქმით, უკრაინასთან დაკავშირებით, ტრამპს "რეალობასთან, ანუ ფაქტებთან აქვს საქმე." მათ შორის, აშშ-ის ვიცე-პრეზიდენტმა დაასახელა აშშ-ის დასავლეთ ევროპელი მოკავშირეების შიდა პოლიტიკა მიგრაციისა და ცენზურის მიმართულებით, რომელიც "შეურაცხყოფს ამერიკელთა უმრავლესობის გრძნობებს" და თავდაცვის პოლიტიკას, რომელიც "მუდმივად ზედმეტ დამოკიდებულებას იძლევა."

"მეორე, უკრაინაში რუსებს აქვთ უზარმაზარი რიცხობრივი უპირატესობა ცოცხალი ძალასა და იარაღში და ეს უპირატესობა დარჩება დასავლეთის შემდგომი დახმარების პაკეტების მიუხედავად." - თქვა ვიცე-პრეზიდენტმა.

ამავე დროს, ვენსმა აღნიშნა, რომ შეერთებული შტატები ინარჩუნებს მნიშვნელოვან ბერკეტებს კონფლიქტის ორივე მხარეზე. ის დარწმუნებულია, რომ უკრაინაში ომის დასასრულებლად აუცილებელია "საუბარი იმ ადამიანებთან, რომლებიც მონაწილეობდნენ მის დაწყებაში და მხარდაჭერაში."

"ჩვენ გვჯერა, რომ ხანგრძლივი დაპირისპირება ცუდია რუსეთისთვის, ცუდია უკრაინისთვის და ცუდია ევროპისთვის, მაგრამ რაც მთავარია, ცუდია შეერთებული შტატებისთვის." - დაწერა მან.