ახალი ამბები

ჯო ბაიდენის ადმინისტრაცია უკრაინას მოუწოდებს გადახედოს მობილიზაციის კანონს, რათა ჯარში 18 წელზე უფროსი ასაკის ადამიანები გაიწვიონ და შეიარაღებული ძალების პირადი შემადგენლობა სწრაფად გაიზარდოს.

ამის შესახებ ბაიდენის ადმინისტრაციის მაღალჩნოსანმა განაცხადა, რომელიც ანონიმურობის პირობით ესაუბრა Associated Press-ს.

სააგენტოს ცნობით, დემოკრატიულ ადმინისტრაციას სურს, რომ უკრაინამ 25-დან 18 წლამდე შეამციროს გაწვევის ასაკი.

მისი თქმით, სიტუაციის "სუფთა მათემატიკა," რომელშიც ახლა უკრაინა იმყოფება, არის ის, რომ მას მეტი ჯარი სჭირდება საბრძოლო მოქმედებების ჩასატარებლად.

გარდა ამისა, როგორც სააგენტო წერს, ევროპელი ოფიციალური პირების თქმით, რომლებსაც ანონიმურად დარჩენა სურდათ, უკრაინის პრეზიდენტი ვოლოდიმირ ზელენსკი ასევე ისმენს მოკავშირეების შეშფოთებას დასავლეთის დედაქალაქებში, რომ უკრაინას არა იარაღის, არამედ პერსონალის დეფიციტი აქვს.

19 ნოემბერს, აშშ-ის პრეზიდენტის მრჩეველმა ეროვნული უსაფრთხოების საკითხებში ჯეიკ სალივანმა განაცხადა, რომ უკრაინამ დიდი რაოდენობით ამერიკული იარაღი მიიღო, მაგრამ მაინც რთულ ვითარებაში აღმოჩნდა ბრძოლის ველზე - ამის მიზეზად მობილიზაციის პრობლემები დაასახელა.