ახალი ამბები

უკრაინის წინააღმდეგ ომის შეჩერების სანაცვლოდ კრემლი ითხოვს უკრაინული ჯარების გაყვანას დონბასიდან, მათ შორის დონეცკისა და ლუჰანსკის იმ რაიონებიდანაც, რომელთა დაკავება სამხედრო გზით ვერ შეძლო. 

State Of Play: ინფორმაციას ამის შესახებ ვითარებაში გაცნობიერებულ წყაროებზე დაყრდნობით Bloomberg ავრცელეს- წყაროებიც ცნობით, ტრამპისა და პუტინის შესაძლო შეხვედრის ფონზე განხილვადი შეთანხმება პრაქტიკულად კონფლიქტის არსებულ ხაზებზე გაყინვას ითვალისწინებს. 

• ამასთანავე პუტინი ცხადია ითხოვს უკრაინამ უარი თქვას 2014 წელს ანექსირებულ ყირიმთან დაკავშირებულ პრეტენზიებზე. 
  
  
• ამგვარად პუტინის მოთხოვნები ითვალისწინებს, რომ უკრაინის პრეზიდენტმა გასცეს დონბასიდან ჯარების გაყვანის ბრძანება - "ასეთი შედეგი რუსეთისთვის მისაღები გამარჯვება იქნება, რომელსაც დიდი ხანია სურთან მოლაპარაკებების დაწყება უშუალოდ შეერთებულ შტატებთან, უკრაინისა და ევროკავშირის მონაწილეობის გარეშე"- ნათქვამია მასალაში. 
  
  
• გამოცემის წყაროების ცნობით, ამ დროისთვის ამერიკელები ცდილობენ გეგმასთან დაკავშირებით უკრაინისა და ევროპელი პარტნიორების თანხმობა მიიღონ. 
  
  

Big Picture: ავტორები წერენ, რომ უკრაინელი პრეზიდენტი შესაძლოა არასახარბიელო ვითარებაში აღმოჩნდეს - როდესაც მას მოუწევს მიუღებელი შეთანხმების მიღება ან რისკზე წასვლა პოტენციურ შეთანხმებაზე უარის თქმა. 

• ამასთანავე გეგმის მიხედვით, სანაცვლოდ რუსეთის არმია არსებულ ხაზებზე შეაჩერებს შეტევებს ზაპორიჟიისა და ხერსონის ოლქებში - წყაროების ცნობით, გეგმაზე აქტიურად მუშაობა გრძელდება და ბევრი მნიშვნელოვანი დეტალი ჯერ კიდევ გაურკვეველია. 
  
  
• ყველაფერთან ერთად კვლავ უცნობია განიხილავს თუ არა კრემლი, რომელიმე ოკუპირებული ტერიტორიის დათმობას, ზაპორიჟიასა და ხერსონში - გაურკვეველია ევროპის უმსხვილესი ატომური ელექტროსადგურის ბედიც. 

Context: წყაროების ცნობით, ამჯერად საუბარია არა დიდ სამშვიდობო შეთანხმებაზე, არამედ ცეცხლის შეწყვეტაზე, რასაც უნდა მოყვეს ტექნიკური მოლაპარაკებების დაწყება ყოვლისმომცველი სამშვიდობო შეთანხმების შესახებ. 

• გამოცემასთან საუბარში გაცნობიერებული წყაროები ამბობენ, რომ ჯერ კიდევ უცნობია დათანხმდება თუ არა ვლადიმირ პუტინი უკრაინელ პრეზიდენტთან სამმხრივ შეხვედრას. 

Go Deeper: პუტინისა და ტრამპის შესაძლო შეხვედრა - რა ვიცით