ახალი ამბები

ბახმუტის მიმართულებით უკრაინის თავდაცვის ძალები ინარჩუნებენ ინიციატივას და ყოველდღიურად აგრძელებენ ასობით მეტრი უკრაინული მიწის გათავისუფლებას. ამის შესახებ უკრაინის შეიარაღებული ძალების აღმოსავლეთის დაჯგუფის წარმომადგენელმა სერჰი ჩერევატიმ 25 ივლისს განაცხადა.

"ამ დღის განმავლობაში [ბახმუტის მიმართულებით] 95 ოკუპანტი განადგურდა, 187 დაიჭრა, სამი ტყვედ ავიყვანეთ," - აღნიშნა ჩერევატიმ.

მან ასევე ისაუბრა რუსული ტექნიკის განადგურების შესახებ. ერთ დღეში დამპყრობლებმა დაკარგეს ორი ტანკი, სამი სადესანტო საბრძოლო მანქანა, ორი ქვეითთა საბრძოლო მანქანა, Гвоздика-ს თვითმავალი ჰაუბიცა, ხუთი ჰაუბიცა, ორი ტანკსაწინააღმდეგო სარაკეტო სისტემა, ელექტრონული ომის სისტემა Борисоглебск, საზენიტო სისტემა S-60, რვა საწვავის საველე საცავი.

მან ასევე კომენტარი გააკეთა დონეცკის ოლქის ბახმუტთან უკრაინული ძალების წინსვლაზე.

"იქ [ბახმუტის ჩრდილოეთით] მტერი უკეთ არის მომზადებული. არის გარკვეული ბუნებრივი დაბრკოლებები, მათ შორის წყლის დაბრკოლებები, ახლა ყველაფერს ვერ გავამჟღავნებთ, მაგრამ სამუშაოები იქაც მიდის და დროთა განმავლობაში ამას დაინახავთ, მიუხედავად იმისა, რომ მტერი ყველაფერს აკეთებს ჩვენი წინსვლის შესაჩერეებლად," - თქვა ჩერევატიმ.

მან აღნიშნა, რომ უკრაინის შეიარაღებული ძალების წინსვლა ბახმუტის ჩრდილოეთით ჯერ კიდევ გრძელდება. გარდა ამისა, გამომსვლელის თქმით, უკრაინის თავდაცვის ძალები აგრძელებენ გარკვეულ მოსამზადებელ ზომებს, რაც ცოტა მოგვიანებით გამოჩნდება.