ახალი ამბები

იერუსალიმის ძველ ქალაქში თავდასხმის შედეგად 4 ადამიანი დაიჭრა, 1 კი დაიღუპა.

ისრაელის პოლიციის ინფორმაციით, თავდამსხმელი 42 წლის პალესტინელი, ჰამასის წევრი ფადი აბუ შკაიდამი იყო. სამართალდამცავებმა მისი ლიკვიდაცია შეძლეს.

შკაიდამი Beretta M12-ით იყო შეიარაღებული.

საგამოძიებო ორგანოების ინფორმაციით, თავდამსხმელმა ძველ ქალაქში გამვლელებს ცეცხლი გაუხსნა, რომელთაგანაც ერთი დაიღუპა, ორი დაჭრილის მდგომარეობა კი კრიტიკულად მძიმეა.

ინციდენტი 9:00-ზე იერუსალიმის ტაძრის მთის ერთ-ერთ შესასვლელთან მოხდა.

ჰამასმა თავდასხმას "გმირული ოპერაცია" უწოდა. მათი თქმით, ეს არის "ფასი", რასაც ისრაელი ოკუპაციისთვის იხდის.