იორდანიის მეფე: პალესტინელი ლტოლვილების იორდანიაში ან ეგვიპტეში შესვლა წითელი ხაზია
იორდანიის მეფე აბდულა II აცხადებს, რომ არც მისი ქვეყანა და არც ეგვიპტე პალესტინელ ლტოლვილებს არ მიიღებენ და ეს "წითელ ხაზად" გამოაცხადა.
Sky News Arabia-ს ცნობით, ბერლინში გერმანიის კანცლერ ოლაფ შოლცთან შეხვედრის შემდეგ გამართულ პრესკონფერენციაზე აბდულამ აღნიშნა, რომ "არც იორდანიაში და არც ეგვიპტეში ლტოლვილები არ იქნება."
ჰამასის ყოფილმა პოლიტიკურმა ლიდერმა ხალედ მაშალიმ განაცხადა, რომ ღაზის მოსახლეობა არ დატოვებს დასახლებას, რადგან მათი გადასვლა ზიანს მიაყენებს ეგვიპტის ეროვნულ უსაფრთხოებას და საფრთხეს შეუქმნის იორდანიას. მაშალის თქმით, პალესტინელების მასობრივი გადასახლება მეზობელ ქვეყანაში შეიძლება გახდეს პრეცედენტი დასავლეთ სანაპიროზე.
მიუხედავად ამისა, გავრცელდა ინფორმაცია, რომ ეგვიპტე ღაზაში კონფლიქტისგან გაქცეული მშვიდობიანი მოსახლეობის შეზღუდული რაოდენობის მისაღებად ემზადება.
