ახალი ამბები

ბენი განცის პარტია ეროვნული ერთიანობიდან წყარომ The Times of Israel-ს განუცხადა, რომ ოპოზიციური პარტიის სამთავრობო კოალიციაში შეყვანის მოლაპარაკებებში პროგრესი მიღწეულია და შეთანხმება ახლა სავარაუდოა.

"ბურთი ახლა ნეთანიაჰუს მოედანზეა, ვიმედოვნებთ, რომ ხვალ შევძლებთ მზა პროდუქტის დალოცვას," - ამბობს წყარო.

ისრაელის საზოგადოებრივი მაუწყებლის ცნობით, რომელმაც პირველად გამოაქვეყნა ინფორმაცია გარდაუვალი შეთანხმების შესახებ, ნათქვამია, რომ წყაროებმა, რომლებიც მონაწილეობდნენ ნეთანიაჰუსა და განცს შორის დისკუსიაში ორშაბათს გვიან ღამით, განაცხადეს, რომ "გადაუდებელი მთავრობის პირობები ახლა მომწიფებულია" და რომ საბოლოო გადაწყვეტილება ხვალ, კოალიციის ლიდერების შეხვედრის შემდეგ მიიღება.

პარტია ეროვნულმა ერთიანობამ განაცხადა, რომ მთავრობაში შესასვლელად მას სურს შექმნას ომის მცირე კაბინეტი მისი პარტიის წარმომადგენლობით და კაბინეტში მათთვის ომის მართვაზე "რეალური გავლენით."

ცენტრისტი პოლიტიკოსი ბენი განცი წარსულში ისრაელის თავდაცვის მინისტრი და გენერალური შტაბის უფროსი იყო. ბენიამინ ნეთანიაჰუს მიერ დაწყებული სასამართლო რეფორმის გამო მიმდინარე მასშტაბური პროტესტების ფონზე, განცის პარტია საზოგადოებრივი აზრის კვლევებში პირველ ადგილზეა.

კორონავირუსის გავრცელების ფონზე, ქვეყანაში პოლიტიკური კრიზისის დასასრულებლად განცი ერთხელ უკვე იყო ნეთანიაჰუს მთავრობაში. თუმცა, ნეთანიაჰუმ მასთან დადებული პირობა არ შეასრულა და მას პრემიერის პოსტი როტაციით არ დაუთმო, კოალიცია დაშალა და ახალი არჩევნები გამოიწვია.