ახალი ამბები

კონგრესის სპიკერი მაიკ ჯონსონი დონალდ ტრამპის მიერ უკრაინისთვის სამხედრო დახმარების შეჩერებას გამოეხმაურა და განაცხადა, რომ ეს მხოლოდ დროებითი პაუზაა. 

ამის შესახებ ჯონსონმა რესპუბლიკური პარტიის კონფერენციაზე ჟურნალსიტებთან ურთიერთობისას განაცხადა. 

ამასთანავე ჯონსონმა განაცხადა, რომ უკრაინამ რაც შეიძლება სწრაფად უნდა მოაწეროს ხელი მწირმიწების (იშვიათი მინარალების) შეთანხმებას, ხოლო ვოლოდიმირ ზელენსკიმ უნდა გამოასწოროს გასულ კვირას მომხდარი. 

კონტექსტი 

ამერიკული მედიების ცნობით, გასული ღამით ამერიკის შეერთებულმა შტატებმა უკრაინისთვის სამხედრო დახმარების შეჩერების გადაწყვეტილება მიიღო, მათ შორის იმ დახმარების, რომელიც უკვე გზაშია. 

NBC-ის ცნობით, გადაწყვეტილება ძირითადად ჯავშანტექნიკის მიწოდებას შეეხება. 

ამერიკული სამხედრო ტექნიკით დატვირთული სარკინიგზო ეშელონების შეჩერება დაადასტურა პოლონეთის პრემიერ-მინისტრმა, დონალდ ტუსკმა. 

აშშ-ს ჯერჯერობით არ შეუჩერებია უკრაინისთვის სადაზვერვო მონაცემების მიწოდება. 

ამის შესახებ კიევში The Economist-ის კორესპონდენტი, ოლივერ კეროლი იუწყება. 

"ჩემი წყაროები უკრაინულ დაზვერვაში მეუბნებიან, რომ სამხედრო დახმარების შეჩერება ჯერჯერობით ძირითადად მედიური მიზნებს ემსახურება, დასკვნების გამოტანა ნაადრევია, მაგრამ ჯერჯერობით არ არის არანაირი ცვლილება სადაზვერვო მონაცემების გადაცემასა და სხვა საკვანძო სამხედრო დახმარების მიღების კუთხით. ჩვენი პარტნიორები გვეუბნებიან, რომ ჯერჯერობით ოფიციალური გადაწყვეტილება არ არის მიღებული"- წერს ჟურნალისტი სოციალურ ქსელ X-ზე (ყოფილი ტვიტერი).