ახალი ამბები

საინვესტიციო ბანკი JP Morgan-ი აცხადებს, რომ მასშტაბური ეკონომიკური სანქციების გამო რუსეთმა შესაძლოა საერთაშორისო სამთავრობო ვალის გადახდა ვერ შეძლოს.

რუსეთს მარტის ბოლოს 700 მილიონი დოლარის ღირებულების სამთავრობო ობლიგაციების სარგებლის გადახდა უწევს.

JP Morgan-ის თანახმად, რუსეთის ცენტრალური ბანკის რეზერვების გაყინვა და სხვა ფინანსური შეზღუდვები რუსეთის ხელისუფლებას ვალის მომსახურებას ძალიან გაურთულებს.

რუსეთს ჯამში თავისუფლად კონვერტირებად ვალუტებში საერთაშორისო ბაზარზე 40 მილიარდი დოლარის ვალი აქვს.

გასულ კვირაში საკრედიტო რეიტინგის წამყვანმა სააგენტოებმა - S&P Global-მა, Moody’s-მა და Fitch-მა - რუსეთის საინვესტიციო ქულა მნიშვნელოვნად შეამცირეს.