ახალი ამბები

უკრაინის საგარეო საქმეთა მინისტრმა დმიტრო კულებამ ოსლოში, ნატოს 31 ქვეყნის საგარეო საქმეთა მინისტრს შეხვედრის წინ მიმართა. ამის შესახებ მან Twitter-ზე დაწერა.

კულებას თქმით, ნატოს ქვეყნების საგარეო საქმეთა მინისტრების წინაშე გამოსვლისას მან გამოაცხადა "სამი ნაბიჯი ვილნიუსის სამიტის წარმატებისთვის."

"გააძლიერეთ ინსტიტუციური კავშირები და დახმარება უკრაინასა და ნატოს შორის. გადადგით ნაბიჯი უკრაინის ნატოში გაწევრიანებისკენ. უზრუნველყავით უსაფრთხოების გარანტიები უკრაინისთვის ნატოსკენ მიმავალ გზაზე", - თქვა მან.

მოსალოდნელია, რომ ნატოს მომავალი სამიტის დღის წესრიგს საგარეო საქმეთა მინისტრები ოსლოში გამართულ შეხვედრაზე განიხილავენ, რომელიც ხუთშაბათამდე გაგრძელდება.

ნატოს სამიტამდე უკრაინის გრძელვადიანი უსაფრთხოების გარანტიების შესაქმნელად სხვადასხვა იდეები გაჩნდა, მათ შორის უსაფრთხოების გარანტიების "ისრაელის" მოდელით გაცემა ან უკრაინა-ნატოს ახალი საბჭოს შექმნა.

დღის წესრიგში ასევე არის კიევისთვის ყოვლისმომცველი დახმარების პაკეტის გაფართოება, რომელიც მიზნად ისახავს უკრაინის შეიარაღებული ძალების დახმარებას ჩაანაცვლოს საბჭოთა ეპოქის დოქტრინები, შეიარაღება და სტანდარტები.

ჩრდილოატლანტიკური ალიანსის გენერალურმა მდივანმა იენს სტოლტენბერგმა კიდევ ერთხელ გამორიცხა რუსეთთან სრულმასშტაბიანი ომის დროს უკრაინის ნატოში შესვლის შესაძლებლობა.