ლავროვი: თალიბანის აღიარებას არ ვაპირებთ
რუსეთის საგარეო საქმეთა მინისტრმა განაცხადა, რომ თალიბანის საერთაშორისო აღიარება არ იგეგმება.
"თალიბანის აღიარება არ განიხილება," - თქვა სერგეი ლავროვმა.
ლავრომა განცხადება ნიუ-იორკში, გაეროს გენერალურ ასამბლეაზე გააკეთა.
აგვისტოში, თალიბანის მიერ ქაბულის აღების შემდეგ, რუსეთმა ოპტიმიზმი გამოთქვა თალიბანთან თანამშრომლობის შესაძლებლობაზე.
"ავღანეთში ცუდი რეჟიმი შეცვალა და ახლა ხალხი ოპტიმისტურად არის განწყობილი," - განაცხადა ავღანეთში რუსეთის ელჩმა დმიტრი ჟირნოვმა. "წესრიგის აღდგენის შემდეგ, მათ სოციო-ეკონომიკური ვითარების გაუმჯობესება უნდა დაიწყონ."