ახალი ამბები

ლიეტუვის თავდაცვის მინისტრმა მოქალქეებს ურჩია არ იყიდონ ჩინური ტელეფონები და ვისაც უკვე აქვს, შეცვალონ. 

ლიეტუვის მთავრობის კიბერუსაფრთხოების სააგენტოს თქმით, ევროპაში, ჩინური წარმოების Xiaomi-ს ტელეფონებს აქვთ შესაძლებლობა აღმოაჩინონ და ცენზურა დაუწესონ ფრაზებს - "თავისუფლება ტიბეტს", "გაუმარჯოს ტაივანის დამოუკიდებლობას" ან "დემოკრატიის მოძრაობა".

გარდა ამისა, ჩინეთს შეუძლია Xiaomi-ს MI 10T მოდელის ტელეფონებზე 5G ინტერნეტი ნებისმიერ დროს გათიშოს.

"ჩვენი რჩევაა არ იყიდოთ ჩინური ტელეფონები და ვინც უკვე შეიძინა რაც შეიძლება სწრაფად შეცვალოს," - განაცხადა ლიეტუვის თავდაცვის მინისტრის მოადგილე მარგირის აბუკევიჩიუსმა.

Xiaomi-ს ქვეყნის თავდაცვის სამინისტროს განცხადებაზე კომენტარი ჯერ არ გაუკეთებია.

ჩინეთსა და ლიეტუვას შორის ურთიერთობები აგვისტოში დაიძაბა. ვილნიუსში ტაივანის დიპლომატიური წარმომადგენლობის გახსნის შემდეგ ჩინეთმა ბალტიისპირეთის ქვეყნიდან ელჩი გამოითხოვა.