მოსკოვის საპატრიარქომ პეჩორის ლავრის არქიმანდრიტი უკრაინის ეკლესიაში გადასვლისთვის დასაჯა
მოსკოვის საპატრიარქოს უკრაინის მართლმადიდებლური ეკლესიის მიტროპოლიტმა ონუფრიმ კიევის პეჩორის ლავრის არქიმანდრიტ აბრაამს (ლოტიში) მსახურება აუკრძალა, რადგან ის უკრაინის მართლმადიდებლურ ეკლესიას შეუერთდა.
ამ ინფორმაციას მოსკოვის საპატრიარქოს უკრაინის მართლმადიდებლური ეკლესია ავრცელებს.
"სქიზმისთვის და სასულიერო პირის ფიცის უხეში დარღვევისთვის, სასულიერო პირობის აკრძალვა დაუწესდა წმინდა მიძინების კიევ-პეჩერსკის ლავრის ყოფილ მკვიდრს, არქიმანდრიტ აბრაამს (ლოტიშს)." - ნათქვამია განცხადებაში.
კონტექსტი
29 მარტს კიევ-პეჩერსკის ლავრის ქვედა ტერიტორიაზე მდებარე წმინდა ჯვრის ეკლესიაში მოსკოვის საპატრიარქომ ბოლო წირვა გაიმართა.
30 მარტს მოსკოვის საპატრიარქოს სასულიერო პირებმა ლავრა უნდა დატოვონ, თუმცა, მიტროპოლიტმა პავლემ, ლავრის წინამძღვარმა, განაცხადა, რომ ისინი არ აპირებდნენ ამის გაკეთებას და სასამართლოში სარჩელს შეიტანენ კიევ-პეჩერსკის ლავრის ეროვნული ნაკრძალის წინააღმდეგ.
უკრაინის მართლმადიდებლური ეკლესიის მიტროპოლიტი ეპიფანე აცხადებს, რომ მოსკოვის საპატრიარქოს გასვლის შემდეგ, კიევ-პეჩერსკის ლავრის ტერიტორიაზე მდებარე მონასტერი არ დაიხურება და ღვთისმსახურების ენა თანამედროვე უკრაინულთან ერთად ძველი სლავურიც იქნება.
