ოსტინი: მჯერა, რომ უკრაინას შეუძლია ხერსონის რეგიონის განთავისუფლება
აშშ-ის თავდაცვის მდივანი ლოიდ ოსტინი დარწმუნებულია, რომ უკრაინა შეძლებს ხერსონის ოლქის რუსული ჯარისგან განთავისუფლებას. ამის შესახებ მან 3 ნოემბერს გამართულ ბრიფინგზე განაცხადა.
"რაც შეეხება საკითხს, შეძლებენ თუ არა უკრაინელები დნეპრის მარჯვენა სანაპიროზე ხერსონის ოლქის დანარჩენი ტერიტორიის აღებას: მე ნამდვილად მჯერა, რომ მათ შეუძლიათ ამის გაკეთება და, რაც მთავარია, უკრაინელებს სჯერათ, რომ ამის გაკეთება შეუძლიათ. ჩვენ ვიცით, რომ მათ აქვთ მეთოდური და უაღრესად ეფექტური ძალისხმევა საკუთარი სუვერენული ტერიტორიის დასაბრუნებლად. ვფიქრობ, ისინი მომავალშიც გააგრძელებენ ზეწოლას, სანამ არ დაამყარებენ კონტროლს მდინარის მარჯვენა სანაპიროზე არსებულ ტერიტორიაზე", - განაცხადა პენტაგონის ხელმძღვანელმა.
