ახალი ამბები

11 მარტს, საღამოს, ქალაქ ოდესის პორტზე რუსული სარაკეტო იერიშის შედეგად სირიის 4 მოქალაქე დაიღუპა და 2 კი დაშავდა.

ამის შესახებ ოდესის რეგიონული ადმინისტრაციის ხელმძღვანელმა ოლეგ კიპერმა განაცხადა.

"გუშინ (11 მარტს - რედ.) საღამოს, რუსეთი თავს დაესხა ოდესის პორტს. ბარბადოსის დროშის მცურავი გემი MJ PINA ბალისტიკურმა რაკეტამ დააზიანა. სამწუხაროდ, დაიღუპა ოთხი ადამიანი - სირიის მოქალაქეები. ყველაზე ახალგაზრდა მსხვერპლი 18 წლის იყო, ყველაზე უფროსი 24 წლის." - აღნიშნა მან.

დაშავდა ორი ​​ადამიანი - უკრაინელი და სირიელი.

"დარტყმის მომენტში გემი იტვირთებოდა ხორბალს ალჟირში საექსპორტოდ. ეს იყო აბსოლუტურად სამოქალაქო გემი," - წერს კიპერი.

სარაკეტო თავდასხმის შედეგად ასევე დაზიანდა სხვა გემიც, ნავმისადგომები და მარცვლეულის შესანახი საწყობები.