ახალი ამბები

უნგრეთმა რუსეთისთვის დაწესებული სანქციების გაგრძელების დაბლოკვა მას შემდეგ გადაიფიქრა, რაც ქვეყნის საგარეო საქმეთა მინისტრი ამერიკის შეერთებული შტატების სახელმწიფო მდივანს, მარკო რუბიოს ესაუბრა. 

State Of Play: ინფორმაციას ამის შესახებ Politico საკუთარ წყაროებზე დაყრდნობით ავრცელებს.

• ევროკავშირის წესების მიხედვით სასანქციო რეჟიმის გახანგრძლივების საკითხი წელიწადში 2-ჯერ განიხილება იანვარსა და ივლისში. 
• გასულ ზამთარში უნგრეთის მთავრობა კიდევ ერთხელ იმუქრებოდა, რომ რუსეთისთვის დაწესებული სანქციების გახანგრძლივების გადაწყვეტილებას ვეტოს დაადებდა, თუმცა საბოლოოდ მაინც დათანხმდა ერთიან გადაწყვეტილებას. 
  
  
• წყაროების ცნობით, უნგრელების გადაწყვეტილებაზე საკვანძო გავლენა რუბიოსთან გამართულმა საუბარმა იქონია. 

Big Picture: აშშ-ს საპრეზიდენტო არჩევნებში დონალდ ტრამპის გამარჯვების შემდეგ, უნგრეთის პრემიერი, ვიქტორ ორბანი აცხადებდა, რომ მსოფლიოში ახალი ერა დადგა, რომლის დროსაც აუცილებელია სანქციები "ფანჯრიდან მოისროლონ." 

• მიუხედავად ამისა, ევროპელი დიპლომატების ცნობით, ორბანისთვის მოულოდნელი აღმოჩნდა ტრამპის პირველი განცხადებები რუსეთ-უკრაინის ომთან დაკავშირებით, რომელშიც ამერიკელი პრეზიდენტი დამატებითი სანქციებისა და ტარიფებით იმუქრებოდა
  
  
  
• უნგრეთის გადაწყვეტილებაზე არ დაებლოკა რუსეთისთვის დაწესებული სანქციების გახანგრძლივება საკვანძო მნიშვნელობა ჰქონდა ამერიკელების პოზიციაც, პოლონეთის საქმეთა მინისტრის, რადოსლავ სიკორსკის აზრითაც.