ახალი ამბები

სან მარინოს მოსახლეობის 77%-მა რეფერენდუმზე აბორტის ლეგალიზებას მხარი დაუჭირა.

შინაგან საქმეთა მინისტრმა ელენა ტონინიმ პარლამენტს მოუწოდა რეფერენდუმის შედეგები კანონად იქცეს.

მიკროსახელმწიფოში რეფერენდუმზე მოსახლეობის მხოლოდ 41% მივიდა.

ლეგალიზების შემდეგ ქალებს უფლება ექნებათ ფეხმძიმობის 12 კვირაში აბორტი გაიკეთონ, 12 კვირის შემდეგ კი აბორტი მხოლოდ იმ შემთხვევაში იქნება დაშვებული, თუ დედის სიცოცხლე რისკის ქვეშაა.

ამჟამინდელი კანონმდებლობით, აბორტი სან მარინოში 3 წლიანი პატიმრობით ისჯება, ექიმი აბორტის გაკეთებისთვის კი - 6 წლით.

ქვეყანაში ამ კანონით არავინ დასჯილა, რადგან ქალები აბორტის გასაკეთებლად იტალიაში გადადიან.

კათოლიკური სან მარინო კონსერვატორული განწყობებით გამოირჩევა.