ახალი ამბები

მინიმუმ 2 ადამიანი დაიღუპა და 20-ზე მეტი დაიჭრა ფლორიდაში, საკონცერტო დარბაზში მომხდარი თავდასხმის შედეგად.

სროლა ადგილობრივი დროით 24:00 საათზე ჰიალეაში, მაიამის ჩრდილოეთით მდებარე ქალაქში დაიწყო.

ადგილობრივი პოლიციის უფროსის განცხადებით, 3 თავდამსხმელი გადმოვიდა თეთრი მანქანიდან და ადამიანების მიმართულებით ცეცხლი გახსნა.

ერთ-ერთი დაჭრილი კრიტიკულად მძიმე მდგომარეობაშია.

20-25 დაჭრილი კი მიმდებარე საავადმყოფოებში გადაიყვანეს.

ეჭვმიტანილები შემთხვევის ადგილიდან მალევე მიიმალნენ.