ახალი ამბები

შეერთებული შტატების პრეზიდენტის თქმით, მთავრობის ეფექტურობის დეპარტამენტმა (DoGE) შესაძლოა ელონ მასკის საქმიანობა შეისწავლოს და ბიზნესმენის შესაძლოა დეპორტაციაზე მიანიშნა. 

State Of Play: ამის შესახებ დონალდ ტრამპმა საპრეზიდენტო ვერტმფრენში ჩაჯდომამდე ჟურნალისტებთან ურთიერთობისას განაცხადა - კომენტარს წინ უძღოდა მასკისა და პრეზიდენტის მორიგი დაპირისპირება სოციალურ ქსელებში. 

• გასულ 24 საათში ელონ მასკმა კიდევ ერთხელ გააკრიტიკა ტრამპის მიერ ინიცირებული ახალი მსხვილი საკანონმდებლო აქტი, რომელიც ეროვნული ვალის ზედა ჭერის გაზრდას ითვალისწინებს. 
  
  
• ბიზნესმენს მალევე პოსტით გამოეხმაურა ტრამპი და განაცხადა, რომ სამთავრობო სუბსიდიების გარეშე ელონს დიდი ხნის წინ მოუწევდა საკუთარი "დახლის ალაგება" და სამხრეთ აფრიკაში დაბრუნება. 
  
  
• "შესაძლოა DoGE-იმ ელონ მასკის საქმიანობა უნდა შეისწავლოს. იცით რა არის DoGE - ეს არის მონტრი, რომელიც შესაძლოა დაბრუნდეს და ელონი შეჭამოს"- თქვა ტრამპმა. 
  
  

Big Picture: ბიზნესმენის შესაძლო დეპორტაციაზე დასმულ კითხვაზე ტრამპმა განაცხადა მზა პასუხი არ აქვს და ჯერ "საკითხში უნდა გაერკვეს." ელონ მასკი შეერთებული შტატების ნატურალიზებული მოქალაქეა. 

• გასულ დღეებში იუსტიციის დეპარტამენტმა გასცა ბრძანება, რომლის მიხედვითაც იწყება იმ ნატურალიზებულ მოქალაქეებს, რომლებიც კრიმინალში არიან მხილებულნი გაუუქმდებათ ქვეყნის მოქალაქეობა. 
  
  
• ტრამპს არ უთქვამს, რომ ელონ მასკმა რამე დანაშაული ჩაიდინა. 
  
  

Сontext: პრეზიდენტის ბოლო კომენტარს სოციალურ ქსელში გამოეხმაურა მასკი და განაცხადა, რომ "ესკალაციის დიდი ცდუნების მიუხედავად ამჯერად თავს შეიკავებდა." 

• ტრამპსა და მასკს შორის ურთიერთობები მაისში, განსაკუთრებით მას შემდეგ დაიძაბა, რაც მასკის 130-დღიანი ფედერალური დასაქმების კონტრაქტს ვადა გაუვიდა.