ახალი ამბები

დონალდ ტრამპის თქმით, გაცოფებული იყო, როდესაც ვლადიმირ პუტინმა მასთან უკრაინის პოლიტიკური ხელმძღვანელობის ცვლილაბაზე დაიწყო საუბარი და გამოთქვა მზაობა კიდევ უფრო შეზღუდოს რუსული ნავთობის გაყიდვა. 

State Of Play: ამის შესახებ ამერიკელმა პრეზიდენტმა NBC-ისთვის მიცემულ ინტერვიუში განაცხადა. ამავე ინტერვიუში ტრამპი ამბობს, რომ უახლოეს მომავალში რუსეთის პრეზიდენტთან კიდევ ერთ სატელეფონო საუბარს გეგმავს. 

• "თუ კი რუსეთთან ვერ მივაღწევთ შეთანხმებას უკრაინაში სისხლისღვრის შეწყვეტის შესახებ და თუ მივიჩნიე, რომ ეს რუსეთის მიზეზით მოხდა - ეს შესაძლოა ასე არ იყოს - თუ ჩავთვლი, რომ ეს რუსეთის ბრალია მე დავაწესებ მეორად ტარიფებს რუსული ნავთობის გაყიდვაზე. რუსეთიდან მომავალ მთელ ნავთობზე"- ამბობს ტრამპი. 
  
  
• ამერიკელი პრეზიდენტის თქმით, ეს იქნება 25%-იანი ტარიფი და ის კომპანიები, რომლებიც რუსულ ნავთობს ყიდულობენ ვეღარ გააგრძელებენ საქმიანობას ამერიკაში. 
  
  
  
• ტრამპის თქმით, ის "გაცოფდა", როდესაც ვლადიმირ პუტინმა დაიწყო საუბარი უკრაინაში ხელისუფლების  ცვლილებაზე და ამჟამინდელი ხელმძღვანელების უნდობლობაზე.

Big Picture: სრულმასშტაბიანი შეჭრის პირველივე დღიდან პუტინი უკრაინის ხელისუფლების ცვლილების აუცილებლობაზე საუბრობს, გასული წლის მაისის შემდეგ კი პუტინი ირწმუნება, რომ ზელენსკი არალეგიტიმური პრეზიდენტია. 

• 28 მარტს ატომური წყალქვეშა ფლოტის წარმომადგენლებთან შეხვედრაზე განაცხადა, რომ უკრაინაში საჭიროა საგარეო მმართველობის დაწესება, რადგანაც ქვეყანაში "აღარ დარჩა ლეგიტიმური ხელისუფლება."
  
  
• "გაუგებარია ვისთან უნდა მოვაწეროთ ხელი სამშვიდობო შეთანხმებას, მოვაწერთ ხელს, ხოლო შემდეგ უკრაინის ხელისუფლებაში სხვები მოვლენ და ყველაფერს გააუქმებენ"- ამბობს პუტინი.
  
  
• პუტინის თქმით, საგარეო მმართველობა უკრაინაში გაერთიანებული ერების მანდატით უნდა დაწესდეს - "გაეროს სამშვიდობო საქმიანობის ისტორიაში მსგავსი გამოცდილება არსებობს, საუბარია საგარეო მმართველობაზე, დროებით ადმინისტრაციაზე."
  
  

Context: პუტინის განცხადებები უკრაინის ხელისუფლების არალეგიტიმურობის შესახებ პირდაპირ ეწინააღმდეგება ქვეყნის კონსტიტუციას, რომელიც კრძალავს ახალი არჩევნების ჩატარებას საომარი მდგომარეობის პირობებში. პუტინის განცხადებებს მალევე გამოეხმაურა თეთრი სახლი. 

• პუტინის განცხადებას იმავე დღეს გამოეხმაურა თეთრი სახლი
  
  
• "უკრაინის მმართველობის სისტემა განისაზღვრება ქვეყნის კონსტიტუციით და ხალხის მიერ"- განაცხადა Reuters-ისთვის მიცემულ ინტერვიუში აშშ-ს უსაფრთხოების საბჭოს წარმომადგენელმა, რომელმაც ანონიმურად დარჩენა ისურვა.