ახალი ამბები

უკრაინელი სამხედროები NASAMS-ის საჰაერო თავდაცვის სისტემების გამოყენებას უკვე სწავლობენ, რომელთა უკრაინისთვის გადაცემასაც აშშ მალე აპირებს. ამის შესახებ აშშ-ის თავდაცვის დეპარტამენტის პრესსამსახურმა 31 ოქტომბერს განაცხადა.

პენტაგონმა აღნიშნა, რომ შეერთებულმა შტატებმა პირობა დადო, რომ უკრაინას რვა NASAMS-ს გადაცემენ.

"ამ სისტემებიდან ორი უახლოეს რამდენიმე კვირაში გაიგზავნება, დანარჩენები მათ მიჰყვება. უკრაინელი სამხედროები უკვე სწავლობენ ამ სისტემის გამოყენება,ს რომელიც სხვადასხვა ტიპის მრავალ რაკეტას ისვრის. NASAMS-ს შეუძლია ობიექტი დაიცვას სხვადასხვა ტიპის საჰაერო საფრთხეებისგან". - ნათქვამია განცხადებაში.

აშშ-ის სახელმწიფო მდივანმა ენტონი ბლინკენმა 28 ოქტომბერს განაცხადა, რომ NASAMS-ის პირველი სისტემები უკრაინაში გასაგზავნად ნოემბერში იქნება მზად.