ახალი ამბები

დონეცკის ოლქში ბახმუტის უკრაინელი მცველების მდგომარეობა კვლავ რთულია, მაგრამ რუსეთის შეტევა, სავარაუდოდ, იმპულსს კარგავს. ამის შესახებ ბრიტანეთის თავდაცვის სამინისტრომ Twitter-ზე 22 მარტს, სამხედრო დაზვერვის მონაცემებზე დაყრდნობით განაცხადა.

ბრიტანული დაზვერვა აღნიშნავს, რომ ბოლო დღეებში უკრაინულმა ძალებმა დაიწყეს ლოკალური კონტრშეტევა ბახმუტის დასავლეთით, რათა შეემცირებინათ მტრის ზეწოლა H-32 გზატკეცილზე, რომელიც უკრაინული დაჯგუფების მომარაგებისთვის მნიშვნელოვანია.

ბრიტანეთის თავდაცვის სამინისტრომ განაცხადა, რომ ბრძოლები გრძელდება ქალაქის ცენტრში, უკრაინელი დამცველები ჩრდილოეთიდან და სამხრეთიდან ალყაში მოქცევის საფრთხის ქვეშ რჩებიან.

"არსებობს რეალური შესაძლებლობა, რომ ქალაქზე რუსეთის შეტევა ლიმიტირებულ იმპულსს კარგავს, რაც აქამდე ჰქონდა - ნაწილობრივ იმის გამო, რომ ზოგიერთი რუსული შენაერთი ფრონტის სხვა სექტორებში გადადის", - აღნიშნავს ბრიტანული დაზვერვა.