ახალი ამბები

თანაშემწეებმა დონალდ ტრამპს უთხრეს, რომ ირანზე საჰაერო დარტყმები არ იქნება საკმარისი ალი ხამენეის რეჟიმის ჩამოსაშლელად და ამ სცენარში ვითარების უკონტროლო ესკალაციაში გადასვლის მაღალი რისკი არსებობდა. 

ვითარების არსი: ინფორმაციას ამის შესახებ თეთრი სახლის მაღალჩინოსნებზე დაყრდნობით Wall Street Journal ავრცელებს - წყაროების ცნობით, მომდევნო დღეებში ამერიკული ადმინისტრაცია ყურადღებით დააკვირდება ირანის რეჟიმის ქცევას და საბოლოო გადაწყვეტილებას ამის შემდეგ მიიღებს. 

• წყაროების ცნობით, ეროვნული უსაფრთხოების გუნდის შეფასებით, ისლამისტური რეჟიმის დამხობის გარანტია არც მასშტაბური საჰაერო კამპანიაა და ვითარება შესაძლოა ფართე რეგიონულ დაპირისპირებაში გადაიზარდოს. 
  
  
• ხოლო ლიმიტირებულმა საჰაერო დარტყმებმა შესაძლოა გააძლიეროს დემონსტრანტების სულისკვეთება, მაგრამ ნაკლებად სავარაუდოა შეცვალოს რეჟიმის ქცევა და უარი ათქმევინოს მასობრივ რეპრესიებზე. 

ჩაშლილად: წყაროს ცნობით, ტრამპს არ მიუღია საბოლოო გადაწყვეტილება, თუმცა გასცა ბრძანა რეგიონში უფრო დიდი სამხედრო დაჯგუფების გაგზავნის იმ შემთხვევაში თუ საბოლოოდ მასშტაბური საჰაერო შეტევა გადაწყდებოდა. 

• გადაწყვეტილების გადადების ერთ-ერთი მიზეზი ისიც იყო, რომ გენერლების შეფასებით ამ მომენტისთვის აშშ-ს არ აქვს საკმარისი სამხედრო კონცენტრაცია რეგიონში, რათა დაიცვას თავი და მოკავშირეები (რედ. ისრაელი) ირანის საპასუხო დარტყმების შემთხვევაში. 

რეგიონის ქვეყნები: სამხედრო ჩარევის წინააღმდეგ გამოდიან, მათ შორის საუდის არაბეთი, კატარი, თურქეთი და არაბთა გაერთიანებული საამიროები. 

• ირანის საგარეო საქმეთა მინისტრის მონაწილეობით რეგიონის ლიდერებთან გამართული ონლაინ კონფერენციის შემდეგ თურქეთის საგარეო საქმეთა მინისტრმა განაცხადა, რომ "რეგიონის ქვეყნები სამხედრო ინტერვენციას ეწინააღმდეგებიან." 

კონტექსტი: ცოტა ხნის წინ ცნობილი გახდა, რომ სამხრეთ ჩინეთის ზღვიდან სპარსეთის ყურის რეგიონისკენ მიემართება Abraham Lincoln-ის საავიამზიდო დაჯგუფება. 

• წყაროების ცნობით, რეგიონში ჩასასვლელად დაჯგუფებას დაახლოებით 5-დან 7 დღემდე დაჭირდება, ხოლო კონკრეტული იერიშის გეგმის დამუშავებას დამატებით 1 კვირა. 

სიღრმისეულად: Axios: ისრაელისა და თანაშემწეების პოზიციის გამო ტრამპმა გადადო დარტყმები ირანზე