ახალი ამბები

დონალდი ტრამპი დაეჭვდა სურს თუ არა ვლადიმირ პუტინს ომის დასრულება და აკრიტიკებს რუსეთის მიერ უკრაინის ქალაქებზე ბოლო დღეების განმავლობაში განხორციელებულ სარაკეტო დარტყმებს. 

State Of Play: ამის შესახებ ამერიკელი პრეზიდენტი კუთარ სოციალურ ქსელში გამოქვეყნებულ ვრცელ პოსტში წერს, რომელიც რუსეთ-უკრაინის ომს ეხება. პოსტი იტალიის დედაქალაქში უკრაინელ პრეზიდენტთან შეხვედრის შემდეგ ცოტა ხანში გამოქვეყნდა.

• ამერიკელი პრეზიდენტის თქმით, ვლადიმირ პუტინს არ ჰქონია არანაირი მიზეზი ბოლო დღეების განმავლობაში უკრაინის ქალაქების დასაბომბად. 
  
  
• "ეს მაფიქრებინებს, რომ შესაძლოა პუტინს სინამდვილეში არ სურს ომის დასრულება და ის უბრალოდ თავს იკატუნებს ჩემს წინაშე და ხომ არ არის საჭირო მასთან სხვაგვარად მოქმედება, მაგალითად, საბანკო სექტორის ან მეორადი სანქციების მეშვეობით",- წერს ტრამპი. 
  
  
• პოსტში ამერიკის პრეზიდენტი New York Times-ის ერთ-ერთი რედაქტორის პიტერ ბეიკერის მიერ გამოქვეყნებულ სვეტს აკრიტიკებს, რომელიც თავის უკრაინის საკითხზე ტრამპის პოლიტიკის კრიტიკას ეძღვნება. 
  
  
• ტრამპი წერს, რომ შექმნილ ვითარებაში უკრაინის ტერიტორიული მთლიანობის აღდგენა ძალიან რთული იქნება და მთავარ პრობლემად მისი დემოკრატი წინამორბედების "უუნარობას" ასახელებს. 
  
  

Big Picture: დღევანდელი პოსტი ბოლო თვეებში რუსეთსა და აშშ-ს შორის დაწყებული მოლაპარაკებების შემდეგ სულ მეორე შემთხვევაა, როდესაც ამერიკელი პრეზიდენტი რუს კოლეგას აკრიტიკებს. 

• ტრამპი ინაუგურაციიდან მალევე დაემუქრა რუსეთს სანქციების გამკაცრებით და მეორადი სანქციების ამოქმედებით, მაგრამ სამშვიდობო პროცესის ინიცირების შემდეგ, მისი ადმინისტრაციის რიტოიკა მკვეთრად შეიცვალა და შესამჩნევად დუახლოვდა რუსეთისას. 
• რამდენიმე დღის წინ გამოქვეყნებულ პოსტში ტრამპი წერდა, რომ "არ იყო ბედნიერი" რუსეთის მიერ კიევზე განხორციელებული სარაკეტო დარტყმებით - "ვლადიმირ გაჩერდი!"- წერდა ტრამპი. 

Context: რომში გამართულ შეხვედრა დადებითად ახასიათებს ვოლოდიმირ ზელენსკიც - "ძალიან სიმბოლური შეხვედრა გვქონდა, რომელსაც აქვს პოტენციალი გახდეს ისტორიული, თუ ერთობლივ შედეგს მივაღწევთ. მადლობა დონალდ ტრამპს."

• ეს თეთრ სახლში გამართული სკანდალური შეხვედრის შემდეგ დონალდ ტრამპისა და ვოლოდიმირ ზელენსკის პირველი სამიტი იყო.