აშშ: ბირთვულ შეთანხმების აღდგენაზე ირანის პოზიცია ‘დამაიმედებელია’
.jpeg)
აშშ-ს სახელმწიფო დეპარტამენტში აცხადებენ, რომ ირანმა ბირთვული შეთანხების აღსადგენად ამერიკისთვის წაყენებული მოთხოვნებიდან რამდენიმე უკან წაიღო.
თეირანი ამერიკისგან რევოლუციის გუშაგთა კორპუსის (IRGC) ტერორისტული ორგანიზაციების სიიდან ამოღებას აღარ მოითხოვს.
სახელმწიფო დეპარტამენტის პრეს-სპიკერმა ნედ პრაისმა ირანის ქცევას „დამაიმედებელი“ უწოდა.
პრაისის განცხადებით, ვაშინგტონი ევროკავშირის მიერ შემუშავებული შეთანხმების ტექსტზე საკუთარ პოზიციას უახლოეს მომავალში გაასაჯაროებს.
აგვისტოს დასაწყისში ბრიუსელმა თეირანს და ვაშინგტონს ხელშეკრულების „საბოლოო ვერსია“ გადაუგზავნა, რომელსაც ევროკავშირის საგარეო პოლიტიკის შეფმა ჟოზეპ ბორელმა „კეთილგონივრული“ უწოდა.
ბირთვული შეთანხმების აღსადგენად მოლაპარაკებები გასული წლის ნოემბერში ვენაში დაიწყო. მოლაპარაკებები ჩიხში შევიდა, მას შემდეგ, რაც დოჰაში ირანის და აშშ-ს დელეგაციებს შორის შეხვედრა უშედეგოდ დასრულდა.
თეირანი ვაშინგტონისგან ირანის ისლამური რევოლუციის გუშაგთა კორპუსის ტერორისტების სიიდან ამოღებას სთხოვდა.
ამასთან, ირანი ხელშეკრულების დადების შემდეგ „გარანტიას“ მოითხოვს, რომ სხვა მხარეები შეთანხმებას არ დატოვებენ.
2018 წელს შეთანხმება ტრამპის ადმინისტრაციამ დატოვა, რის შემდეგაც თეირანმა ურანის დასაშვებზე უფრო მეტად გამდიდრება დაიწყო.
.jpeg)