ახალი ამბები

რუსეთის ფედერაციას დიდი პრობლემები აქვს უკრაინის წინააღმდეგ მებრძოლი ქვედანაყოფების დაკომპლექტებასთან და ახლების ჩამოყალიბებასთან დაკავშირებით.

ამის შესახებ უკრაინის თავდაცვის სამინისტროს მთავარი სადაზვერვო სამმართველოს ხელმძღვანელმა კირილო ბუდანოვმა BBC-სთან ინტერვიუში განაცხადა.

"მათ უკვე აკლიათ ცოცხალი ძალა, ამის საფუძველზე განიხილეს და მიიღეს გადაწყვეტილება, რომ მობილიზაციის მორიგი ტალღა 5 იანვრიდან დაიწყონ. არ ვიცი, 5 იანვარს გამოაცხადებენ თუ არა. თუმცა, გეგმაში 5 იანვარს არის. ამას გამოაცხადებენ 5-ში ან პირობითად 9-ში - ეს, პრინციპში, არაფერს შეცვლის. მათ მოუწევთ მობილიზაციიბის ახალი ტალღის დაწყება, თუნდაც იმის გათვალისწინებით, რომ თითქოსდა დასრულებული მობილიზაცია არ შეჩერებულა - გრძელდება და ახლა მთელი სისწრაფით ხდება ხალხის მობილიზება ომისთვის", - განაცხადა მან.