ახალი ამბები

მარცვლეულით დატვირთულმა კიდევ ორმა გემმა უკრაინის ჩერნომორსკის პორტი დატოვა. ამის შესახებ თურქეთის თავდაცვის სამინისტრომ Twitter-ზე 20 აგვისტოს განაცხადა.

"მარცვლეულის გადაზიდვის ფარგლებში, კიდევ ორმა გემმა დატოვა უკრაინის ჩერნომორსკის პორტი. გარდა ამისა, სტამბოლის ჩრდილოეთით შემოწმდება ორი გემი, რომელიც უკრაინიდან ჩამოდის", - ნათქვამია განცხადებაში.

17 აგვისტოს უკრაინის ინფრასტრუქტურის სამინისტრომ განაცხადა, რომ უკრაინის პორტები უკვე 24 გემმა დატოვა.