ახალი ამბები

ჰამასთან ომის დაწყების შემდეგ, ორას ორმოცდაოთხმა ამერიკულმა სატრანსპორტო თვითმფრინავმა და ოცმა გემმა ისრაელში 10 000 ტონაზე მეტი შეიარაღება და სამხედრო ტექნიკა ჩაიტანა.

ამ ინფორმაციას ისრაელის მე-12 არხი ავრცელებს.

ისრაელის თავდაცვის სამინისტრომ ამერიკაში 40 მილიარდი შეკელის (თითქმის 2.8 მილიარდი დოლარი) დამატებითი შეიარაღება შეისყიდა.  

გარდა ამისა, ისრაელის სამხედრო ინდუსტრიის ყველა საწარმოო ხაზი 24 საათის განმავლობაში მუშაობს.

მმართველი პარტიის, ლიკუდის დეპუტატმა ტალი გოთლივმა განაცხადა, რომ ღაზას სამხრეთში მდებარე ჰამასის სამიზნეების საარტილერიო დაბომბვის რაოდენობა "მკვეთრად შემცირდა ბოლო სამი კვირის განმავლობაში."

სატელევიზიო რეპორტაჟის მიხედვით, იყო პრეტენზიები, რომ IDF "იარაღის ეკონომიით არის დაკავებული." თუმცა, ომის დაწყების შემდეგ არ ყოფილა შემთხვევა, როდესაც ისრაელის საჰაერო ძალებმა არ დაბომბეს, ან სახმელეთო ძალებმა არ გაისროლეს საბრძოლო მასალის დეფიციტის გამო.

6 დეკემბერს ისრაელის თავდაცვის სამინისტრომ გაასაჯაროვა ინფორმაცია აშშ-ის 200-ე სატვირთო თვითმფრინავის ჩამოსვლის შესახებ, რომელმაც დამატებითი შეიარაღება ჩაიტანა.

გამოცემის ცნობით, ისრაელმა ომის განმავლობაში 10 000 ტონა შეიარაღება მიიღო. მიწოდებული სამხედრო აღჭურვილობა მოიცავდა "ჯავშანტექნიკას, პერსონალურ დამცავ აღჭურვილობას, სამედიცინო საშუალებებს, საბრძოლო მასალას და სხვა."