ჯემილევი: ყირიმში გადაყვანილი უკრაინელი აქტივისტები კორუფციის გამო ახერხებენ დაბრუნებას
აქტივისტები, რომლებიც რუსებმა იძულებით წაიყვანეს ყირიმში სამხრეთ უკრაინის ოკუპირებული რეგიონებიდან, ახერხებენ დაბრუნებას მათი კორუფციის წყალობით. ამის შესახებ ყირიმელი თათრების ლიდერმა, უკრაინის სახალხო დეპუტატმა მუსტაფა ჯემილევმა განაცხადა 15 მაისს განაცხადა.
"ახლა ისმის კითხვა, როგორ გამოვიყვანოთ ეს აქტივისტები. მადლობა ღმერთს, ტრადიციული რუსული კორუფცია ცოტათი გვეხმარება იქ - ვახერხებთ ზოგიერთი ჩვენი თანამოქალაქის 'გამოსყიდვას'", - თქვა მან.
ყირიმელი თათრების ლიდერმა აღნიშნა, რომ ფასი 250 დოლარიდან იწყება და "დამოკიდებულია იმაზე, თუ ვისთან მიდის მოლაპარაკება".
"ეს ყველასთან შეუძლებელია. ჯერ მოლაპარაკება გჭირდებათ, უნდა იცოდეთ ვინ არის იქ მორიგე. არც ისე მარტივი ოპერაციაა. ისე, მე მოვახერხე, მაგალითად, შვიდი ადამიანის გამოსყიდვა", - თქვა ჯემილევმა.
მისი თქმით, უკრაინელ აქტივისტებს, როგორც წესი, რუსი ოკუპანტები იტაცებენ, შემდეგ კი რუსეთში მიჰყავთ, მაგრამ "ცნობილია, რომ რამდენიმე გატაცებული უკრაინელი უკვალოდ გაქრა".
ჯემილევის თქმით, დამპყრობლებს აქვთ უკრაინელების სიები, რომლებიც უნდა გაიტაცონ. მათ შორის არიან ყირიმელი თათრები, რომლებმაც ყირიმი 2014 წელს ოკუპაციის შემდეგ დატოვეს.
