ახალი ამბები

ჩრდილოეთ კორეის დიქტატორმა, კიმ ჩენ ინმა ბირთვული ძალების კურირება თავის 13 წლის ქალიშვილს, კიმ ჯუ ეს დაავალა. ინფორმაციას სამხრეთკორეული მედია The Chosun Daily ავრცელებს.

ჩაშლილად: როგორც მედია წერს კიმ ჯუ ე ჩრდილოეთ კორეის შრომის პარტიის ყრილობაშიც იღებდა მონაწილეობას, რომელიც მიმდინარე წლის თებერვალში გაიმართა.

• The Chosun Daily დიქტატორის ქალიშვილის ზუსტ თანამდებობას არ ასახელებს. "შეგვიძლია მას ვუწოდოთ რაკეტების საკითხის გენერალური დირექტორი". - წერია მედიაში.
  
  
• ამასთანავე ოფიციალურად ბირთვულ პროგრამას კვლავ გენერალი ჩან ჩან ჰე ხელმძღვანელობს, რომელიც თანამდებობაზე 2023 წელს დაინიშნა.
  
  
• მოზარდი ხშირად ჩნდება მამასთან ერთად სამხედრო პოლიგონებზე.
  
  
• სეულში მიაჩნიათ, რომ კიმ ჯუ ე ამგვარად ეცნობა სამხედრო სისტემას და თავდაცვის სექტორის მართვის მეთოდებს.
  
  
• წყაროების ცნობით დიქტატორის ქალიშვილი ესწრება გენერალიტეტის კრებებს და ზოგჯერ გენერლებს მითითებებსაც აძლევს.

კონტექსტი: ჩრდილოეთ კორეის მმართველის პირადი ცხოვრების შესახებ ცოტა რამ არის ცნობილი.

• ითვლება, რომ კიმს კიდევ ორი ვაჟიშვილი ჰყავს, ერთი მათგანი კიმ ჯუ ეზე უფროსია. 
  
  
• სხვადასხვა წყაროები კიმ ჯუ ეს დიქტატორის მემკვიდრედ მიიჩნევენ.
  
  
• გარდა ამისა, ხელისუფლების გადაბარების ერთ-ერთ კანდიდატად დიქტორის და, კიმ იო ჯუნგი მიიჩნევა, რომელიც ამჟამად ქვეყნის საინფორმაციო სტრუქტურებს განაგებს.