კლეიტონი: უსაფრთხოების გაძლიერებისთვის საქართველოს £5 მილიონზე მეტს გამოვუყოფთ
დიდი ბრიტანეთის ელჩი საქართველოში, მარკ კლეიტონი მადრიდში მიმდინარე ნატოს სამიტის ფარგლებში საქართველოსა და დიდი ბრიტანეთის პრემიერ-მინისტრებს შორის გამართულ შეხვედრას გამოეხმაურა.
"მოხარული ვარ, რომ ნატო-ს სამიტის ფარგლებში შედგა შეხვედრა საქართველოსა და დიდი ბრიტანეთის პრემიერ მინისტრებს შორის. ნატოს -თვის გაზრდილი პაკეტის პარალელურად, გარე საფრთხეების მიმართ უსაფრთხოებისა და მედეგობის გაძლიერებისთვის ბრიტანეთი საქართველოს £5 მილიონზე მეტ დამატებით დაფინანსებას გამოუყოფს კიბერ-უსაფრთხოების მიმართულებით",- წერს ელჩი ტვიტერზე.
მთავრობის პრესსამსახურის ინფომაციით, საქართველოსა და გაერთიანებული სამეფოს პრემიერ-მინისტრების შეხვედრის მთავარი საკითხები ორ ქვეყანას შორის არსებული სტრატეგიული პარტნიორობა და მჭიდრო მეგობრული ურთიერთობები იყო.
ღარიბაშვილმა ბორის ჯონსონს საქართველოს სუვერენიტეტის, ტერიტორიული მთლიანობისა და ევროატლანტიკური ინტეგრაციის გზაზე ურყევი მხარდაჭერისთვის მადლობა გადაუხადა.
