ახალი ამბები

ევროკავშირის სანქციების ახალ პაკეტით, რომელიც რუსული ნავთობის ემბარგოს ითვალისწინებს, შესაძლოა უნგრეთს და სლოვაკეთს შეღავათი შესთავაზონ, აცხადებს ევროკომისიის ორი მაღალჩინოსანი Reuters-თან ინტერვიუში.

უნგრეთმა არაერთხელ განაცხადა, რომ რუსული ენერგეტიკული წიაღისეულის შემოტანაზე სანქციების დადების ნებისმიერ მცდელობას ვეტოს დაადებს.

ევროკავშირში სანქციების ასამოქმედებლად 27-ვე წევრი ქვეყნის თანხმობაა საჭირო.

შეღავათის მიუხედავად, ევროკავშირის მიერ გამოცხადებული ემბარგო ყოვლისმომცველი არ იქნება და რუსული ნავთობის იმპორტზე შეზღუდვების „ეტაპობრივ“ გამოცხადებას ითვალისწინებს.

ანალიტიკოსები ამის მიზეზად ევროპის რუსულ ენერგო-რესურსებზე მაღალ დამოკიდებულებას ასახელებენ.

ევროკავშირს მოხმარებული ნავთობის მეოთხედი რუსეთიდან შემოაქვს.

სლოვაკეთი და უნგრეთი რუსულ ნავთობზე, შესაბამისად, 96 და 58 პროცენტით არიან დამოკიდებული.

24 თებერვლის შემდეგ ევროკავშირის ქვეყნებმა მოსკოვს ენერგო-რესურსების შესაძენად 20 მილიარდამდე ევრო გადაუხადეს.

• უნგრეთი: რუსულ ნავთობსა და გაზზე სანქციებს მხარს არ დავუჭერთ