შარლ მიშელმა გაეროს უშიშროების საბჭოში რუსეთის წევრობის შეჩერება მოითხოვა
გაერთიანებული ერების ორგანიზაციამ უნდა შეიმუშაოს გაეროს უშიშროების საბჭოში ქვეყნების წევრობის შეწყვეტის პროცედურა. ამის შესახებ ევროპული საბჭოს პრეზიდენტმა შარლ მიშელმა RTVI-თან ინტერვიუში განაცხადა.
მისი თქმით, ეს შეუძლებლად ითვლება, რადგან "გაეროს უსაფრთხოების კონცეფცია ჩიხში შეგვიყვანს". თუმცა, რუსეთი უშიშროების საბჭოდან საერთაშორისო სამართლის დარღვევისთვის უნდა გაირიცხოს.
"ვფიქრობ, რომ საერთაშორისო სამართალში არის ხარვეზი, რადგან გაეროს უშიშროების საბჭოს მუდმივი წევრი, ამ შემთხვევაში რუსეთი, უხეშად არღვევს საერთაშორისო სამართალს. ჩემი აზრით, უნდა შეიქმნას წევრობის შეჩერების მექანიზმი: მე არ ვსაუბრობ რუსეთის სრულ გარიცხვაზე, მაგრამ უშიშროების საბჭოში წევრობის შეჩერებაზე", - განაცხადა მან.
მიშელმა აღნიშნა, რომ უკრაინაში საომარი მოქმედებების დაწყებამდეც კი, გაეროს უსაფრთხოების კონცეფცია "ძალიან უსარგებლო" იყო და ჰქონდა მრავალი სირთულე ძირითადი საერთაშორისო პრობლემების გადაჭრაში.
"ჩვენ ვხედავთ, რომ აფრიკის კონტინენტი ძალიან ცუდად არის წარმოდგენილი გაეროს სტრუქტურებში, იგივე შეიძლება ითქვას ლათინურ ამერიკაზე. და ვფიქრობ, რომ ერთ დღეს შედგება განხილვა გაეროს სისტემის ღრმა რეფორმის შესახებ." - თქვა ევროსაბჭოს ხელმძღვანელმა.
.jpg)
