ახალი ამბები

გერმანიის კანცლერმა ოლაფ შოლცმა აშშ-ის დემოკრატიული პარტიის საპრეზიდენტო კანდიდატი კამალა ჰარისი შეაქო.

ამის შესახებ მან ტელეარხ Sat 1-თან ინტერვიუში განაცხადა.

შოლცმა თქვა, რომ ის ჰარისს "კარგად იცნობს და, რა თქმა უნდა, ძალიან კარგი პრეზიდენტი იქნება," 2024 წლის ნოემბერში არჩევის შემთხვევაში.

კანცლერმა არ უპასუხა, იქნება თუ არა ჰარისი უკეთესი არჩევანი გერმანიისთვის, როგორც აშშ-ის პრეზიდენტი, ვიდრე მისი კონკურენტი, რესპუბლიკელი დონალდ ტრამპი.

"კამალა ჰარისი არის ძალიან კარგი პოლიტიკოსი, რომელიც დაიცავს იმას, რაც ჩვენთვის მნიშვნელოვანია, ხოლო ატლანტის ოკეანის გაღმა, აშშ-სა და ევროპას შორის, აშშ-სა და გერმანიას შორის, კარგი თანამშრომლობა გაგრძელდება," - აღნიშნა შოლცმა.

გასულ თვეში გერმანიის კანცლერმა თქვა, რომ აშშ-ის ვიცე-პრეზიდენტ კამალა ჰარისს საპრეზიდენტო არჩევნებში გამარჯვების შანსი აქვს.

გერმანიის საგარეო საქმეთა მინისტრი ანალენა ბარბოკი მიესალმა კამალა ჰარისის გადაწყვეტილებას იყაროს კენჭი და აღნიშნა, რომ ქალების ყოფნა გავლენიან თანამდებობებზე ცუდი არ არის.