ახალი ამბები

ხარკოვში დაახლოებით 600 000 ევაკუირებული ადამიანი დაბრუნდა. ამის შესახებ ხარკოვის რეგიონალური სამხედრო ადმინისტრაციის თავმჯდომარე ოლეგ სინეგუბოვმა 16 მაისს განაცხადა.

"დაახლოებით 600 000 ადამიანი დაბრუნდა ხარკოვში და აგრძელებს დაბრუნებას. აქ ბაზრები და მაღაზიები ცოცხლდება, მცირე ბიზნესი იწყებს გახსნას. ხალხი იმაზე ფიქრობს, თუ როგორ განაახლონ საშუალო ბიზნესის მუშაობა იმ პირობებშიც კი, რაც დღეს გვაქვს." - თქვა მან.

სამხარეო ადმინისტრაციის ხელმძღვანელმა აღნიშნა, რომ "აქტიური საომარი მოქმედებები რეგიონის ჩრდილოეთით, ჩრდილო-აღმოსავლეთით გრძელდება".

ადმინისტრაციის ხელმძღვანელის თქმით, რეგიონულ ცენტრში რკინიგზით ყოველდღიურად 2000-ზე მეტი ადამიანი ჩამოდის.

"რეგიონი მუშაობს კრიტიკული ინფრასტრუქტურის აღდგენაზე: გათბობა, გაზი, წყალი, ელექტროენერგია. პრიორიტეტებს შორის არის ხარკოველების საცხოვრებლით უზრუნველყოფა, რადგან მათი ნაწილი კვლავ მეტროში ცხოვრობს", - განაცხადა სინეგუბოვმა.