ახალი ამბები

ამერიკული კასეტური ჭურვები უკვე ჩავიდა უკრაინაში და მალე მზად იქნება გამოსაყენებლად. უკრაინა ჭურვების ბახმუტში გამოყენებას გეგმავს.

ამის შესახებ უკრაინის შეიარაღებული ძალების სახმელეთო ჯარების სარდალმა, გენერალ-პოლკოვნიკმა ალექსანდრ სირსკიმ BBC-სთან ინტერვიუში ისაუბრა.

გენერალმა სირსკიმ დაადასტურა, რომ ამერიკული ჭურვები უკვე უკრაინაშია და გამოსაყენებლად მზად რამდენიმე დღეში იქნება.

BBC-ს არ დაუკონკრეტებია, ზუსტად როდის შედგა სირსკისთან საუბარი.

ჟურნალისტებმა ასევე განაცხადეს, რომ მათ "ბახმუტის ირგვლივ პოზიციებზე ამერიკული ჰაუბიცა M777-ები დაინახეს, რომლებიც (კასეტურ - რედ.) ჭურვებს ისვრიან."