ახალი ამბები

უკრაინის პრეზიდენტის თქმით, მისი ოფისის უფროსმა ანდრეი ერმაკმა დაწერა განცხადება თანამდებობიდან გათავისუფლების შესახებ. 

ვითარების არსი: ამის შესახებ ვოლოდიმირ ზელენსკიმ საგანგებო ვიდეო მიმართვაში განაცხადა. 

• უკრაინელი პრეზიდენტის თქმით, მის ოფისში რეორგანიზაცია მიმდინარეობს, ხოლო ადმინისტრაციის უფროსის პოსტზე ახალ კანდიდატებთან შეხვედრებს უკვე ხვალ გამართავს. 
  
  
• "მე ანდრეის მადლობელი ვარ, რადგანაც უკრაინის პოზიციას მოლაპარაკებების პროცესში ის წარმოადგენდა ისე როგორც საჭირო იყო, მძლავრად და პატრიოტულად როგორც ყოველთვის, მაგრამ მე არ მინდა რომ იყოს ჭორები და სპეკულაციები"- განაცხადა ზელენსკიმ. 
  
  
• უკრაინელი პრეზიდენტის თქმით, მოლაპარაკებების მომდევნო რაუნდში უკრაინა წარმოდგენილი იქნება უსაფრთხოების და უშიშროების საბჭოს მდივნის, გენშტაბის უფროსისა, საგარეო საქმეთა სამინისტროსა და დაზვერვის მაღალჩინოსნების მიერ. 

დიდი სურათი: გადაწყვეტილებას წინ უძღოდა უკრაინის ანტი-კორუფციული ბიუროს მიერ ერმაკის სამსახურებრივ სახლში ჩატარებული ჩხრეკა.