ახალი ამბები

უკრაინაში სოციოლოგიური კომპანია “რეიტინგის” მიერ ჩატარებული გამოკითხვის მიხედვით, პრეზიდენტ ზელენსკის პარტია “ხალხის მსახური” პირველ ადგილზეა - 22.8%-ით. 

მეორე ადგილს ყოფილი პრეზიდენტის, პეტრო პოროშენკოს პარტია “ევროპული სოლიდარობა” იკავებს 14.4%-ით. მესამე ადგილზეა პრორუსი ოლიგარქის, ვიქტორ მედვედჩუკის პარტია “ოპოზიციური პლატფორმა - სიცოცხლისთვის” - 13.7%, მეოთხეზე კი იულია ტიმოშენკოს პარტია “ბატკივშინა” - 12.2%.

სხვა პარტიებს ბარიერის გადასალახად საკმარისი 5%-იანი მხარდაჭერა არ აქვთ.

გამოკითხულთა 17.4%-მა განაცხადა, რომ ხმის მიცემას არ აპირებს. 19.3%-ს კი უჭირს პასუხის გაცემა.

სოციოლოგიური კვლევა 23-27 აპრილს ჩატარდა და მასში 2000 რესპონდენტი მონაწილეობდა.

ცდომილების ზღვარი 0.95%-დან 2.2%-მდეა.