ახალი ამბები

24 აგვისტოს პენტაგონმა გამოაქვეყნა იმ შეიარაღების სია, რომელიც შევა უკრაინის სამხედრო დახმარების ახალ პაკეტში. შეერთებული შტატები უკრაინას უსაფრთხოების დახმარების ყველაზე დიდ პაკეტს გადაცემს, რომლის ღირებულებაც დაახლოებით $3 მილიარდია.

აშშ-ს თავდაცვის დეპარტამენტმა განმარტა, რომ ეს დახმარება გამოიყოფა არა "[პენტაგონის მარაგების] შემცირების სისტემის მიხედვით", არამედ უკრაინის უსაფრთხოების დახმარების ინიციატივის (USAI) ფარგლებში.

გამოცხადებული დახმარების პაკეტი მოიცავს:

• ექვსი დამატებითი NASAMS-ის საზენიტო-სარაკეტო სისტემა მათთვის საბრძოლო მასალით;
• 245 ათასამდე ჭურვი 155 მმ-იანი არტილერიისთვის;
• 65 ათასამდე ჭურვი 120 მმ-იანი ნაღმტყორცნებისთვის;
• 24-მდე საარტილერიო რადარი;
• უპილოტო საფრენი აპარატი Puma და აღჭურვილობა უპილოტო საფრენი აპარატი Scan Eagle-სთვის.
• დრონების საწინააღმდეგო სისტემა Vampire;
• სარაკეტო სისტემები ლაზერული დამიზნებით;
• უკრაინელი ჯარისკაცების წრთვნისა და მხარდაჭერის დაფინანსება.

ახალი 2.98 მილიარდი დოლარის ღირებულების პაკეტი აშშ-ის მე-20 სამხედრო დახმარებაა უკრაინაში. ამის შესახებ აშშ-ის პრეზიდენტმა ჯო ბაიდენმა 24 აგვისტოს, უკრაინის დამოუკიდებლობის დღეს განაცხადა.