ახალი ამბები

1 ივლისს აშშ-ის თავდაცვის დეპარტამენტმა გამოაცხადა უკრაინისთვის 820 მილიონი დოლარის დამატებითი სამხედრო დახმარების პაკეტი. ამის შესახებ ნათქვამია პენტაგონის ვებ-გვერდზე გამოქვეყნებულ განცხადებაში.

ეს არის 2021 წლის აგვისტოდან უკრაინის უსაფრთხოებისთვის გამოყოფილი აშშ-ის რიგით მე-14 პაკეტი. მასში შედის დამატებითი საბრძოლო მასალა HIMARS-ის ზალპური ცეცხლის რეაქტიული სისტემებისთვის.

USAI-ის ფარგლებში, აშშ-ის თავდაცვის დეპარტამენტი უკრაინას ასევე მიაწვდის:

• NASAMS-ის ორი მოწინავე საჰაერო თავდაცვის სისტემა;
• 155 მმ კალიბრის 150 ათასამდე საარტილერიო ჭურვი; 
• ოთხი დამატებითი საარტილერიო რადარი.

"USAI არის ორგანო, რომლის მეშვეობითაც აშშ ყიდულობს შეიარაღებას ინდუსტრიიდან და მოქმედი მარაგებიდან არ აწვდის უკრაინას. ეს განცხადება წარმოადგენს კონტრაქტის შედგენის პროცესის დაწყებას უკრაინის შეიარაღებული ძალებისთვის დამატებითი შესაძლებლობების მიწოდებისთვის", - ნათქვამია განცხადებაში.

უკრაინის პრეზიდენტმა ვოლოდიმირ ზელენსკიმ ტვიტერზე მადლობა გადაუხადა ჯო ბაიდენს "უკრაინის საკითხზე მუდმივი ლიდერობისა და მხარდაჭერისთვის აგრესორის წინააღმდეგ ბრძოლაში".