ბორის ჯონსონი ბუჩას და ბოროდიანკას ეწვია
დიდი ბრიტანეთის ყოფილი პრემიერი მინისტრი პირველად ჩავიდა უკრაინაში არაოფიციალური სტატუსით.
ჯონსონის ვიზიტი დაუანონსებელი იყო და მის შესახებ სოციალური ქსელებიდან გახდა ცნობილი. ჯონსონის ვიზიტის ამსახველი ფოტოები მოგვიანებით Reuters-ის ჟურნალისტმა გაავრცელა.
ჯონსონი ბუჩასა და ბოროდიანკაში კიევის ოლქის ხელმძღვანელთან, ალექსეი კულებასთან ერთად იმყოფებოდა.
რუსეთის შეჭრის შემდეგ ბორის ჯონსონი პირველი უცხოელი ლიდერი იყო, რომელიც უკრაინას ესტუმრა - 9 აპრილს ბორის ჯონსონი კიევში იმყოფებოდა.
ამ დროისთვის ჯონსონს არ უკავია ოფიციალური თანამდებობა - ის ბრიტანეთის პარლამენტის წევრია.
