ახალი ამბები

ისრაელმა კატარისა და ეგვიპტის შუამავლობით ჰამასს წარუდგინა წინადადება, რომლითაც ღაზაში ბრძოლები ორი თვით შეჩერდება, 136 მძევლის ეტაპობრივი გათავისუფლების სანაცვლოდ.

ამ ინფორმაციას Axios ისრაელის ორ ოფიციალურ პირზე დაყრდნობით ავრცელებს.

გამოცემის ცნობით, ისრაელი ახალ წინადადებაზე ჰამასის პასუხს ელოდება და ოპტიმისტურად არის განწყობილი უახლოეს დღეებში პროგრესის შანსზე.

Axios-ის მიერ მოხსენებული ისრაელის წინადადება პირველ ეტაპზე ითვალისწინებს 60 წელზე უფროსი ასაკის დარჩენილი ბავშვების, ქალების, მამაკაცების და კრიტიკულად დაავადებული მძევლების გათავისუფლებას. შემდგომ ეტაპებზე კი ქალი ჯარისკაცები და 60 წლამდე მამაკაცები უნდა გათავისუფლდნენ, რომლებიც არ არიან ჯარისკაცები, რასაც მოჰყვება ჯარისკაცების და მძევლების ცხედრების დაბრუნება.

ისრაელის შეთავაზებაში ნათქვამია, რომ ისრაელი და ჰამასი წინასწარ შეთანხმდებიან, თუ რამდენ პატიმარს გაათავისუფლებს იერუსალიმი თითოეულ ეტაპზე, სანამ ამ მსჯავრდებულთა სახელებზე ცალკე მოლაპარაკებებს გამართავენ.

შეთავაზება ასევე მოიცავს ისრაელის ძალების გაყვანას ღაზას ძირითადი დასახლებული ცენტრებიდან და პალესტინელების თანდათანობით დაბრუნებას ჩრდილოეთ ღაზას სექტორში, საიდანაც მათ ევაკუაცია უბრძანეს.

შეთავაზება ითვალისწინებს, რომ ისრაელი არ დათანხმდება ომის სრულად დასრულებას და არც 6000-ვე პალესტინელი პატიმრის გაათავისუფლებს, მაგრამ ისრაელის ოფიციალური პირები Axios-ს ეუბნებიან, რომ მზად არიან გაათავისუფლონ მნიშვნელოვანი რაოდენობა.

თუ შეთანხმება შედგება, ისრაელის თავდაცვის ძალების ოპერაციები ღაზაში მნიშვნელოვნად შემცირდება.