ახალი ამბები

ოკუპირებულ ბერდიანსკში რუსების მიერ ორგანიზებული სამხედრო ადმინისტრაციის ხელმძღვანელის მოადგილე ოლეგ ბოიკო და მისი ცოლი მოკლეს, ცოლი ბერდიანსკში რუსეთთან მიერთების საკითხზე რეფერენდუმის მოსამზადებელ კომისიას ხელმძღვანელობდა. 

"ავტოფარეხთან მოკლეს სამხედრო-სამოქალაქო ადმინისტრაციის თავმჯდომარის მოადგილე, ოლეგ ბოიკო და მისი ცოლი, ლუდმილა ბოიკო, რომელიც რეფერენდუმის მოსამზადებელ ტერიტორიულ საარჩევნო კომისიას ხელმძღვანელობდა",- ნათქვამია კოლობარაციული ადმინისტრაციის ხელმძღვანელის მიერ გავრცელებულ განცხადებაში.

ეს არ არის ბერდიანსკში კოლაბორანტების მკვლელობის პირველი შემთხვევა: 26 აგვისტოს ბერდიანსკში კიდევ ერთი მაღალჩინოსანი კოლაბორანტი, ალექსანდრ კოლესნიკოვი მოკლეს. 

უკვე სექტემბრის დასაწყისში აფეთქდა კიდევ ერთი კოლაბორანტის, არტიომ ბადრინის ავტომობილი, ბადრინი გადარჩა, თუმცა აფეთქების შედეგად ორივე ფეხი დაკარგა.