ტაივანის კრიზისის ფონზე აშშ-ს და ჩინეთის პრეზიდენტები სატელეფონო საუბარს გამართავენ - Axios
.jpeg)
აშშ-ს და ჩინეთის პრეზიდენტები 28 ივლისს სატელეფონო საუბარს გამართავენ, წერს გამოცემა Axios-ი საკუთარ წყაროებზე დაყრდნობით.
ორი ქვეყნის ლიდერის საუბარი ტაივანის გარშემო გამწვავებულ სიტუაციას ემთხვევა.
ცოტა ხნის წინ ცნობილი გახდა, რომ კუნძულს აშშ-ს წარმომადგენელთა პალატის სპიკერი ნენსი პელოსი ეწვევა.
პელოსის სავარაუდო ვიზიტმა პეკინისგან მკაცრი რეაქცია გამოიწვია.
ჯო ბაიდენის და სი ძინფინგის განსახილველ თემებს შორის რუსეთ-უკრაინის ომი და სავაჭრო ტარიფები იქნება.
გასულ კვირაში ბაიდენმა განაცხადა, რომ უახლოეს მომავალში ჩინეთის ლიდერთან საუბარს აპირებს.
