უკრაინის დაზვერვა: რუსეთი უკრაინაში ‘კორეის სცენარს’ გეგმავს
უკრაინის სამხედრო დაზვერვის ხელმძღვანელი კირილო ბუდანოვი აცხადებს, რომ კიევის ალყის მარცხის ფონზე რუსეთი უკრაინის ოკუპირებული ტერიტორიებს და დანარჩენ უკრაინას შორის „გამყოფი ხაზის“ გავლებას შეეცდება.
„პუტინი მთელი უკრაინის გადაყლაპვას ვერ შეძლებს. [კრემლი] უკრაინაში ჩრდილოეთ და სამხრეთ კორეის შექმნას ეცდება“, - აცხადებს ბუდანოვი.
1950-53 წლებში კორეის ნახევარკუნძულზე ომი ქვეყნის ორ ნაწილად გაყოფით დამთავრდა.
ბუდანოვის განცხადებით, რუსეთი ოკუპირებული ტერიტორიების „კვაზი-სახელმწიფოდ“ გაერთიანებას შეეცდება.
„ჩვენ უკვე ვხედავთ საოკუპაციო ძალების მცდელობას, მათ დაკავებულ ტერიტორიებზე მმართველობის პარალელური სისტემები შექმნან. ისინი ხალხს უკრაინულ ვალუტაზე უარის თქმას აიძულებენ“, - ამბობს დაზვერვის შეფი.
ცოტა ხნის წინ ლუჰანსკის ოკუპირებული ტერიტორიის ლიდერმა განაცხადა, რომ რუსეთის ფედერაციაში შესვლის შესახებ რეფერენდუმის ჩატარებას აპირებენ.
