ახალი ამბები

რუსმა ოკუპანტებმა ზაპორიჟიეს რეგიონში ჰიდრავლიკურ ნაგებობებსა და დნეპერის ჰიდროელექტროსადგურის კაშხალს დაარტყეს, ახლა მეხანძრეები სადგურზე ცეცხლს აქრობენ, მაგრამ რღვევის საფრთხე არ არსებობს.

"სამწუხაროდ, ასევე დაიბომბა უკრაინის უდიდესი ჰიდროელექტროსადგური, ზაპორიჟიეში მდებარე დნიპროჰესი. არაადამიანები კახოვკა ჰესის განადგურების შემდეგ არ შეჩერდნენ და ახლა ცდილობენ შექმნან ახალი ეკოლოგიური კატასტროფა დნიპროჰესის ჰიდრავლიკურ კონსტრუქციებსა და კაშხალზე ცინიკურად დარტყმით." - წერს "უკრჰიდროენერგო."

არსებული ინფორმაციით, ამ წუთებში სადგურზე ხანძარია. ადგილზე მუშაობენ მეხანძრეები და ენერგეტიკოსები, რათა აღმოიფხვრას "საჰაერო დარტყმების" შედეგები.

"კაშხლის რღვევის საფრთხე არ არსებობს. სადგურის კაშხალზე სიტუაცია კონტროლის ქვეშაა." - აღნიშნა "უკრჰიდროენერგომ."

რუსი ოკუპანტები ღამით თავს დაესხნენ დნიპროს ჰიდროელექტროსადგურს და მანქანების გადაადგილება კაშხლის გასწვრივ დაბლოკილია.

მარიუპოლის მერის მრჩეველმა პეტრ ანდრიუშჩენკომ თქვა, რომ რუსული რაკეტა მოხვდა ტროლეიბუსს, რომელიც კაშხლის გასწვრივ მოძრაობდა და ათეულობით ადამიანი დაშავდა.