ახალი ამბები

მოქმედი და ყოფილი მაღალი რანგის რუსი ბანკირები და ფინანსისტები გაურესებულ ეკონომიკურ ვითარაბასა და ქვეყანაში ფინანსური კრიზისის გაზრდილ რისკებზე მიუთითებენ. 

State Of Play: ამის შესახებ საკუთარ წყაროებზე დაყრდნობით Bloomberg წერს - გამოცემის წყაროების ცნობით, რუსეთის ეკონომიკური მდგომარეობა უფრო მძიმე და სეერიოზულია, ვიდრე ამაზე საჯაროდ საუბრობენ. 

• რუსეთის საბანკო სფეროს მაღალი რანგის წარმომადგენლების შეფასებით, სისტემური საბანკო კრიზისი შესაძლოა უკვე მომდევნო 12 თვეში გამოვლინდეს. 
  
  
• ქვეყნის უმსხვილესი ბანკების შფოთვის საფუძველი "გაფუჭებული" საცალო და კორპორაციული სესხების სწრაფად მზარდი მოცულობაა - მაღალი საპროცენტო განაკვეთების გამო სულ უფრო მეტ მსესხებელს უჭირს თავისი ფინანსური ვალდებულებების შესრულება. 
  
  
• "საბანკო სფეროს მოქმედი და ყოფილი მაღალჩინოსნები პირად საუბრებში ფინანსურ სექტორში შექმნილ ვითარებას საშიშს უწოდებენ და მიუთითებენ, რომ გარემო პირობების შეცვლის გარეშე მომდევნო წელს სრულმასშტაბიანი ფინანსური კრიზისის შანსი დიდია"- ნათქვამია მასალაში. 

Big Picture: წყაროების ცნობით, ოფიციალური მონაცემები არ ასახავს პრობლემის რეალურ მასშტაბს და სიმწვავეს - გამოცემის განკარგულებაში აღმოჩენილი შიდა დოკუმენტების მიხედვით სულ უფრო მეტი მსესხებელი იღებს გადავადებას საკუთარი კრედიტის მოსამსახურებლად. 

• სპეციალისტების შეფასებით, ეს მიუთითებს, რომ სინამდვილეში გაფუჭებული სესხების რაოდენობა ბევრად უფრო მაღალია, ვიდრე ოფიციალურ სტატისტიკაშია ასახული. 
• "გაფუჭებული სესხების მოცულობა შიდა დოკუმენტების მიხედვით, ტრილიონობით რუბლებს აღწევს"- ნათქვამია მასალაში. 
  
  

Сontext: ქვეყნის ეკონომიკური მდგომარეობის შესახებ გაზრდილი შფოთვა შესამჩნევი იყო გასულ კვირას სანქტ-პეტერბურგის ეკონომიკურ ფორუმზე. ფორუმზე გამოსვლისას ეკონომიკური განვითარების მინისტრმა, მაქსიმ რეშეტნიკოვმა განაცხადა, რომ რუსეთის ეკონომიკა "რეცესიის ზღვარზეა.";

• ამავე ფორუმზე გამოსვლისას ვლადიმირ პუტინმა განაცხადა, რომ "რეცესია დაუშვებელია."
• სტატიის ავტორების შეფასებით, საბანკო სფეროში შექმნილმა სირთულეებმა შესაძლოა უარყოფითი გავლენა მოახდინოს კრემლის უნარზე გააგრძელოს ომი უკრაინის წინააღმდეგ, განსაკუთრებით იმ შემთხვევაში თუ ქვეყნის ფინანსური სექტორის წინააღმდეგ სანქციები გამკაცრდება. 
  

Go Deeper: ეკონომიკის მინისტრის თქმით, რუსეთი ეკონომიკური რეცესიის ზღვარზეა